अनेसास अस्टिनको सगौरव प्रस्तुति: "काव्य धारा"
"काव्य धारा" । वर्ष १ । अङ्क १ । अक्टोबर २०२१
Kavya Dhara | Volume 1 | Issue 1 | October 2021
शनिवार, अक्टोबर ३०, २०२१: अन्तर्राष्ट्रिय नेपाली साहित्य समाज, अस्टिनले साहित्यिक मासिक "काव्य धारा" सार्वजनिक गरेको छ। अनेसास अस्टिन च्याप्टरद्वारा नियमित आयोजना हुने गरेको कार्यक्रम "मासिक रचना वाचन कार्यक्रम" मा पठित कविताहरुको ऐतिहासिक संग्रह गर्ने उद्देश्यका साथ प्रकाशनमा आएको हो "काव्य धारा" को लोकार्पण वरिष्ठ साहित्यकार तथा अन्तर्राष्ट्रिय नेपाली साहित्य समाजका पूर्व अध्यक्ष श्री मोहन सिटौलाले गर्नुभएको हो। कार्यक्रममा प्रसिद्ध कथाकार सरु पोखरेल विशेष अतिथिका रूपमा उपस्थित हुनुहुन्थ्यो। "काव्य धारा" को लोकार्पणको अवसरमा अनेसास अस्टिनले अतिथि सरु पोखरेलको पनि सम्मान कार्यक्रम सम्पन्न गर्र्यो। कार्यक्रमका संचालक अनेसास अस्टिनका महासचिव केशव राज ज्ञवालीले गर्नु भएको थियो। "काव्य धारा" साहित्यिक मासिकका संस्थापक सम्पादक स्रष्टाद्वय केशव राज ज्ञवाली र अस्मिता आचार्य हुनुहुन्छ।
"काव्य धारा" को डिजिटल प्रकाशन नि:शुल्क स्वरूपमा पढ्नका लागि तलको लिङ्क प्रयोग गर्नुहोला। "काव्य धारा" को प्रिन्ट कपिको आवश्यकता परेमा अथवा डिजिटल पि. डि. एफ. फाईल एक्सेस गर्नु परेमा अनेसास अस्टिन कार्यालयमा सम्पर्क राख्नुहोला। धन्यवाद।